काठमाडौँ । काठमाडौं छिर्ने नाका नागढुंगाबाट प्रहरीले दुई किलो सुनसहित तीन जनालाई पक्राउ गरेको छ ।
पिकअप स्कार्पियोको गियर बक्समा दुई किलो सुन लुकाएर ल्याएको अवस्थामा उनीहरुलाई पक्राउ गरिएको उपत्यका अपराध अनुसन्धान कार्यालयले जनाएको छ ।
पक्राउ पर्नेमा रसुवाको गोसाइँकुण्ड गाउँपालिका घर भएका २८ वर्षका ग्याल्सेङ तामाङ, २६ वर्षका विरु तामाङ र २१ वर्षका सुनिल भुजेल रहेका छन् ।
प्रारम्भिक अनुसन्धानमा उक्त सुन रसुवा नाकाबाट भित्र्याइएको हुनसक्ने उपत्यका प्रहरी कार्यालयका एआईजी दीपक थापाले जानकारी दिए । यसबारे आवश्यक अनुसन्धान भईरहेको छ ।
