काठमाडौँ । नेकपा एमालेले कोशी प्रदेशमा सरकारलाई दिएको समर्थन फिर्ता नलिने भएको छ ।
सोमबार बिहान बसेको एमाले कोशी प्रदेश संसदीय दलको बैठकले मुख्यमन्त्री केदार कार्की नेतृत्वको सरकारलाई दिएको विश्वासको मत फिर्ता नलिने र सरकारलाई दिएको समर्थन कायम राख्ने निर्णय गरेको हो ।
बैठकपछि संसदीय दलका नेता हिक्मतकुमार कार्कीले सरकारलाई विश्वासको मत दिने र सरकारलाई समर्थन कायम राख्ने निर्णय भएको बताए ।
यद्यपि, हाल प्रतिपक्षको बेन्चमा बस्ने भएपनि आउँदो दिनमा सरकारको भूमिका कस्तो रहन्छ त्यसबाट नै एमाले सरकारमा जाने/नजाने निर्णय गरिने उनको भनाई छ ।
