काठमाडौं । पूर्बराष्ट्रपति बिद्यादेवी भण्डारीले भूकम्पमा कारण जाजरकोट र पश्चिम रुकुमलगायतका जिल्लामा भएका घाइतेहरुको राहत र उद्धारमा जुट्न आग्रह गर्नुभएको छ ।
पूर्बराष्ट्रपति भण्डारीलले आज जारी गर्नुभएको विज्ञप्तिमा भनिएको छ प्राकृतिक विपद्को यस दुस्खद् घडीमा भूकम्प प्रभावितहरूको खोज, उद्धार र राहतको तत्काल व्यवस्था गर्न संबद्ध निकायहरूका साथै स्यवंयसेवी संघसंस्थाहरूलाई हार्दिक आह्वान गर्दछु । साथै, त्यस क्षेत्रमा पराकम्पहरू गइरहेकाले आवश्यक सतर्कता अपनाउन सबैमा अनुरोध गर्दछु ।
उहाँले जाजरकोट र रुकुम पश्चिममा शुक्रबार राती गएको भूकम्पमा परी जन र धनको ठूलो क्षति भएको खबरबाट आफूमर्माहत भएको उल्लेख गर्दै भूकम्पमा परी अमुल्य जीवन गुमाउनेहरूप्रति हार्दिक श्रद्धाञ्जली व्यक्त गर्नुभएको छ । उहाँले
शोकाकुल परिवारमा गहिरो समवेदना प्रकट गर्दै घाइतेहरूको शीघ्र स्वास्थ्य लाभको कामना गर्नुभएको छ ।
