एजेन्सी । भारतीय टोलीका स्टार ब्याट्सम्यान विराट कोहलीले नोभेम्बर ५ मा आफ्नो ३५ औं जन्मदिन मनाउँदै छन् । भारतीय टोलीले सोही दिन कोलकाताको इडेन गार्डेनमा दक्षिण अफ्रिकासँग विश्वकपको लिग खेल खेल्नेछ ।
यसैबीच, पाकिस्तानका विकेटकिपर/ब्याट्सम्यान मोहम्मद रिजवानले कोहलीले शतक बनाएर आफ्नो जन्मदिन विशेष बनाएको हेर्न चाहेको बताएका छन् ।
रिजवानले नोभेम्बर ५ मा विराट कोहलीले आफ्नो एकदिवसीय करियरको ४९ औं शतक बनाउने आशा राखेको बताएका छन् ।
बंगलादेशविरुद्धको खेलअघि आज तकसँगको कुराकानीमा रिजवानले भने, ‘नोभेम्बर ५ कोहलीको जन्मदिन हो भन्ने थाहा पाउँदा राम्रो लाग्यो । उनलाई जन्मदिनको शुभकामना व्यक्त गर्दछु । यद्यपि, म मेरो जन्मदिन मनाउँदिन । म विराट कोहलीलाई बधाई दिन्छु । मलाई आशा छ कि उनले आफ्नो जन्मदिनमा आफ्नो ४९ औं ओडीआई शतक बनाउनेछन् । म पनि उसले यो विश्वकपमा आफ्नो ५० औं ओडीआई शतक बनाएको हेर्न चाहन्छु ।’
भारतीय टोलीले सबै ६ खेल जितेको छ भने पाकिस्तान सेमिफाइनलको दौडबाट बाहिरिने खतरामा छ । बाबर आजमको कप्तानीमा रहेको पाकिस्तानलाई अन्तिम ४ मा पुग्नका लागि बाँकी सबै खेल जित्नुपर्नेछ र उसलाई भाग्यको पनि साथ चाहिन्छ ।
