काठमाडाैंः मिलेनियम च्यालेन्ज कर्पोरेसनको सहयोगमा निर्माण गरिने तीन वटा विद्युत सबस्टेशनका लागि विभिन्न सात कम्पनीले निवेदन दिएका छन् ।
एमसिए नेपालले आज सार्वजनिक गरेको विवरणमा तीनवटा प्याकेज अन्तर्गत प्याकेज १ को ४०० केभी रातमाटे सबस्टेशन, प्याकेज २ को ४०० केभी न्यू बुटबल सबस्टेशन र प्याकेज ३ को ४०० केभीको न्यू दमौली सबस्टेशनका लागि बोलपत्र खोलिएको हो ।
निवेदन दिने कम्पनीका प्रतिनिधिको उपस्थितिमा खोलिएको बोलपत्रमा प्राविधिक पक्ष मात्र सार्वजनिक गरिएको छ, र उनीहरुको प्राविधिक जाँच पश्चात आर्थिक प्रस्ताव खोलिने छ ।
पहिलो पटकको बोलपत्रमा अत्यधिक रकम दाबी गरिएपछि एमसिए नेपालले बोलपत्र नै रद्द गरेको थियो जसका कारण परियोजना तोकिएकै समयसीमा भित्र सम्पन्न हुनेमा आशंका उत्पन्न भइसकेको छ ।
पछिल्लो पटकको बोलपत्रमा सहभागी कम्पनीहरु अधिकांश भारतीय छन् ।
एमसिए नेपालका अनुसार बोलपत्र पेश गर्नेहरु निम्न अनुसार छन् :
१. टेक्नो इलेक्ट्रिक एन्ड इन्जिनियरिङ कम्पनी – भारत
२. लिन्सोन इन्डिया प्रालि – भारत
३. बेटास एन्ड जेडएनसीसी – टर्की र अफगानिस्तान (संयुक्त उपक्रम)
४. टाटा प्रोजेक्ट्स लि – भारत
५. नेसनल कन्ट्राक्टिङ कम्पनी लि – साउदी अरेबिया
६. सिमेन्स लि., भारत – भारत
७. केइसी इन्टरनेसनल – भारत
