काठमाडाैँ । मित्रराष्ट्र चीनको हाङझावमा भएको १९ औं एसियाली खेलकुदमा ऐतिहासिक रजत पदक जित्न सफल करातेकी एरिका गुरुङ नगदसहित सम्मानित हुनु भएको छ ।
हाङझाव एसियाडको कराते टोलीका व्यवस्थापक समेत रहनु भएका नेपाल सोतोकान कराते महासंघका अध्यक्ष निवासगोपाल वैद्यले व्यक्तिगत रुपमा पूर्व घोषित नगद २ लाख रुपैयाँ पुरस्कार एरिका गुरुङलाई प्रदान गरिएको हो ।
राष्ट्रिय खेलकुद परिषद्का सदस्य–सचिव टंकलाल घिसिङ, बागमती प्रदेशका सांसद् मिनकृष्ण महर्जन, नेपाल कराते महासंघका अध्यक्ष युवराज लामा, नेपाल कराते महासंघका महासचिव दावा गुरुङ र निवासगोपाल वैद्यले एरिका गुरुङलाई नगद, प्रशंसा पत्र र पुष्पगुच्छा प्रदान गरी सम्मान गर्नु भयो ।
सोही अवसरमा हाङझाव एसियाडमा सहभागी कराते खेलाडी तथा प्रशिक्षकलाई पनि सम्मान गरिएको थियो ।रासस
