काठमाडौँ । नेपाली काँग्रेसका सांसद सञ्जयकुमार गौतमले सरकारको गति र मति यस्तै रहेमा देश ठूलो संकटमा फस्ने बताउनुभएको छ ।
शुक्रवार प्रतिनिधि सभा बैठकको विशेष समयमा बोल्दै सांसद गौतमले वर्तमान गठबन्धन सरकारले स्थिरता, समृद्धि दिएर आम नागरिकको निराशालाई चिरोस् भन्ने अपेक्षा गरेपनि त्यसो हुन नसकेको बताउनु भयो ।
उहाँले देशमा भ्रष्टाचार र अराजकता व्याप्त भएको बताउनु भयो । उहाँले जनतामा निराशा पैदा भएको बताउनु भयो । देशको विकास निर्माणको काम पनि ठप्प भएको बताउनु भयो । सांसद गौतमले सरकारको गति र मति यस्तै रहेमा देशमा लोकतन्त्र नरहने र संविधानमा संकट आउने बताउनु भयो ।
उहाँले भन्नुभयो – ‘भ्रष्टाचार व्याप्त छ । जताततै अराजकता छ । के भइरहेको छ, थाहा छैन । के गर्दै छौँ थाहा छैन । कसरी जाँदैछौँ थाहा छैन । यसले साह्रै ठुलो निराशा पैदा भएको छ । देशको विकास निर्माणको गति पनि ठप्प भएको छ । राष्ट्रिय गौरवका आयोजना अस्तव्यस्त परिस्थितिमा बसेका छन् । मंहगि छ । सरकारलाई यि सबै कुराको हेक्का रहोस् भन्न चाहान्छु । यही गति र यही मतिमा हिँड्ने हो भने यो लोकतन्त्र पनि रहदैन । संविधानमा पनि संकट आउँछ । देश ठुलो संकटमा फस्छ । आम जनतामा छाएको निराशालाई हामीले आशामा परिवर्तन गर्न सकेनौँ भने यसको परिणाम राम्रो हुँदैन । हामीले विधिको शासन पनि स्थापित गर्न सकेका छैनौँ । न्याय हरायो भने के गर्ने ? न्याय हरायो भने बर्बाद होला नि ।’
उहाँले देशमा विधिको शासन स्थापित गर्न नसकेर न्याय हराउँदै गइरहेको बताउनु भयो ।
