काठमाडौँ । सत्तापक्ष नेपाली कांग्रेसका सांसद प्रदीप पौडेलले मूल्यवृद्धि नियन्त्रणमा सरकार गम्भीर नभएको आरोप लगाएका छन् ।
बिहीबारको प्रतिनिधिसभा बैठकमा बोल्दै उनले अहिले सबै चिजको मूल्यवृद्धि भइरहेको र यसमा सरकार गम्भीर नभएको बताएका हुन् ।
कतिपय बस्तुमा ४५ प्रतिशतसम्म मूल्यवृद्धि भएको बताउदै उनले भने, ‘अहिले सबै चिजको मूल्यवृद्धि भइरहेको छ, सरकारप्रतिको भरोसा र लोकप्रियतामात्रै नबढेको स्थिति छ । देखावटी रूपमा अनुगमन गर्ने होइन, मूल्यवृद्धि, कालोबजारी र कृत्रिम अभाव सिर्जना नहुने गरी सरकारले आफ्नो उपस्थिति देखाओस्।’
देश आर्थिक मन्दीले थलिएको र ३५ प्रतिशत सटर बन्द भएको उनको भनाई छ ।
