एजेन्सी । बलिउड अभिनेता शाहरुख खानसँग फिल्म ‘स्वदेश’मा देखिएकी अभिनेत्री गायत्री जोशी र उनका पति विकास ओबेरोय ठूलो कार दुर्घटनामा परेका छन् ।
यो दुर्घटना इटालीमा भएको हो जहाँ गायत्रीको फेरारी लेम्बोर्गिनीसँग ठोक्किएको थियो । यो दर्दनाक सडक दुर्घटनामा एक वृद्ध स्विस दम्पतीको मृत्यु भएको बताइएको छ ।
गायत्री जोशी आफ्ना श्रीमान् विकास ओबेरोयसँग आफ्नो लम्बोर्गिनीमा जाँदै गर्दा इटालीको सार्डिनिया क्षेत्रमा यो दुर्घटना भएको बताइएको छ ।
दम्पतीका प्रबन्धकका अनुसार गायत्री र उनका श्रीमान् विकास ओबेरोय सकुशल छन् । यो दुर्घटनाको हृदयविदारक भिडियो सामाजिक सञ्जालमा सार्वजनिक भएको छ ।
सार्डिनिया सुपरकार टुर, तेउलाडा देखि ओल्बिया सम्म लक्जरी कार परेड को समयमा दुर्घटना भएको थियो । ल्याम्बोर्गिनी र फेरारी लगायतका धेरै लक्जरी कारहरूले एकै समयमा क्याम्पर भ्यानलाई ओभरटेक गर्न खोज्दा उक्त दुर्घटना भएको हो ।
जसका कारण फरारी ट्रक र ल्याम्बोर्गिनीसँग ठोक्किएर २ जनाको ज्यान गएको थियो । दुर्घटनामा ज्यान गुमाउने वृद्ध दम्पतीमा स्वीट्जरल्याण्डका ६३ वर्षीय मेलिसा क्रौटली र ६७ वर्षीय मार्कस क्रौटली रहेका छन् ।
कामको कुरा गर्ने हो भने गायत्री जोशीले सन् २००४ मा शाहरुख खानको फिल्म स्वदेशबाट बलिउडमा प्रवेश गरेकी थिइन् । तर, यो फिल्मपछि उनी अभिनयको दुनियाँबाट पनि टाढिएइन् । उनले ओबेरोय कन्स्ट्रक्सनका प्रबन्ध निर्देशक विकास ओबेरोयसँग विवाह गरेर घर बसाइन् । त्यसयता नायिका फिल्मबाट टाढा छिन् ।
Two deaths on a Ferrari in Sardina, Italy pic.twitter.com/skT3CaXg0T
— Globe Clips (@globeclip) October 3, 2023
