काठमाडौं । मानिसहरु आफूलाई मनपर्ने खानेकुरा जति बेला पनि खाने गर्छन् । तर कतिपय खानेकुरा एक आपसमा मिश्रित हुँदा स्वास्थ्यमा गम्भिर असर देखा पर्दछ । आफ्ना घरमा भएका खाने कुरा मिलाएर खान खाए अमृत हुने नजाने विष सावित हुने चिकित्सक बताउँछन् । आज हामी कुन खाने कुरा कुनसँग मिलाएर खान हुँदैन भन्ने बारे जानकारी दिनेछौँ ।
१) पानी पिउने वित्तिकै खरबुजा, काँक्रा, तरबुजा, बदाम र घ्यू तथा तेलजन्य खाद्य पदार्थसँग नखाँदा राम्रो हुन्छ ।घ्यु र मह बराबर मात्रामा मिसाएर कहिल्यै पनि खानु हुँदैन ।
२) खरवुजा र हाँसको अण्डा मिसाएर खाँदा निकै घातक हुन्छ । तत्कालै ज्यान समेत जान सक्ने खतरा भएकाले खरबुजा र हाँसको अण्डा खानु हुँदैन ।
३) दुधसँग दही, नून, कागती र अन्य फल मिसाएर खानु घातक मानिन्छ । जस्तै आँप, बयर, जामुन, बडहर, नरिवल, अनार आदी कुरा दुध वा दहीसँग कहिल्यै पनि नमिसाउनुस् ।
४) दहीसँग खिर, पनिर, तातो पदार्थ र पानीको अधिकमात्र भएका फलहरु जस्तै भुँइकटर तरबुजा खरवुजा, काँक्रो, टमाटर, आदि कहिल्यै पनि खानु हुँदैन ।
५) घ्यू र महसँग चिसो पानीको सेवन पनि अत्यन्तै घातक मानिन्छ ।
६) मह तातो दुधसँग कहिल्यै पनि खानु हुँदैन । तातो दुध पानी वा अन्य कुनै पनि तातो चिजसँग मह मिसाएर खानु हुँदैन मह आफैंमा तताएर पनि खानु हुँदैन ।
७) तेल तथा घ्यूमा बेसार फ्राइ गरी पकाइएका परिकारले विभिन्न रोग निम्त्याउने गर्छ ।
८) मुला र दुध एकसाथ खानु पनि अत्यन्त हानिकारक मानिन्छ । मुला र दुध एकसाथ खाँदा कुष्टरोग लाग्ने खतरा समेत हुन्छ ।
९) माछासँग दुध तथा दुधबाट बनेका खानेकुरा खानु घातक मानिन्छ ।
१०) काँसको भाँडामा राखेको घ्यू खानु पनि हानिककारक मानिन्छ । (एजेन्सीको सहयोगमा)
