काठमाडौं । कोभिड १९ रोकथाम समन्वय केन्द्र, सीसीएमसीको आज अपरान्ह सिंहदरबारमा जारी बैठकमा देशका कोरोनाबाट अति प्रभाजि जिल्लामा आंशिक रुपमा लकडाउनका लागि सिफारिस गर्ने बारेमा छलफल भइरहेको छ ।
खासगरी हाल कोरोना महामारीका विषयमा आवश्यक छलफल र निर्णय गर्न बसेको सो बैठकले अति प्रभावित रहेका काठमाडौं उपत्यका लगायतका जिल्लाहरुमा आंशिक रुपमा लकडाउन गर्न सिफारिश गर्नसक्ने अनुमान गरिएको छ ।
पछिल्ला केही दिनमा कोरोना महामारी बृद्धि भइरहेको छ । यो महामारीको रोकथामका लागि लकडाउन गर्नुपर्ने सुझाव स्वास्थ्य मन्त्रालयले दिएको छ ।
यसअघि सरकारले विद्यालय तथा कलेजहरु बन्द गरिसकेको छ । अब देशभर या केही हटस्पट भएका क्षेत्रमा मात्र लकडाउन गर्ने भन्ने बारेमा यस समितिले सिफारिश गर्नसक्ने बताइएको छ । त्यसपछि नेपाल सरकार मन्त्रिपरिषदले यस सिफारिशपछि आवश्यक निर्णय गर्नेछ ।
