एजेन्सी । पृथ्वीको बारेमा धेरै यस्ता जानकारी छन् जसको बारेमा थोरैलाई मात्र थाहा छ । प्राकृतिक सौन्दर्यसँगै पृथ्वीमा अन्य धेरै चिजहरु छन् । यी गोप्य कुराहरु तपाईलाई थाहा छैन । कतिपय खगोलीय घटनाहरू विज्ञानका कारण पत्ता लाग्छ तर ती चमत्कारभन्दा कम हुँदैनन् ।
वास्तवमा, हामी सबैलाई थाहा छ कि पृथ्वी गोलो छ र यो घुम्छ । तर हामीले महसुस गर्दैनौं । धेरैको मनमा प्रश्न उठ्छ कि हामीले यो किन महसुस गर्दैनौं ? मानिस सधैं आफ्नो ठाउँमा स्थिर कसरी रहन्छ, किन लड्दैन ?
तपाईंले यो प्रश्न धेरै पटक सुन्नु भएको छ । यसको उत्तर किताबमा पढेका धेरै मानिस होलान् । यद्यपि धेरैजसो मानिस यस्ता हुन्छन् जसलाई यो प्रश्नको उत्तर सायदै थाहा होला ।
यस्ता प्रश्नको जवाफ दिँदा धेरै पटक मानिसको मन अलमलमा परेको हुन्छ । यसैबीच, पृथ्वी आफ्नो अक्षमा घुमिरहन्छ तर पनि हामी किन आफ्नो स्थानमा स्थिर रहन्छौं भन्नेबारे यहाँ चर्चा गरौँ ।
पृथ्वी घुम्छ, तर हामी स्थिर रहन्छौं । यस प्रश्नको उत्तर जान्नको लागि, सबैभन्दा पहिले तपाईंले भौतिक विज्ञान बुझ्न आवश्यक छ । वास्तवमा, पृथ्वी आफ्नो अक्षमा २४ घण्टै १६०० किलोमिटर प्रति घण्टाको गतिमा घुम्छ ।
पृथ्वीको एउटै परिक्रमामा दिन र रात हुन्छन् । हामी यो महसुस गर्दैनौं, किनकि हामी पनि पृथ्वीसँगै घुम्छौं । हाम्रो वरिपरि सबै कुरा घुमिरहन्छ ।
पृथ्वीको गति स्थिर छ, अर्थात् यो उस्तै गतिमा घुमिरहन्छ, जसका कारण हामीले महसुस गर्दैनौं । यदि पृथ्वीको गति बढ्यो, घट्यो वा पृथ्वी रोकियो, हामीलाई झट्का लाग्छ र हामी यात्रामा थियौं भनेर बुझ्छौं ।
८०० किलोमिटर प्रतिघण्टाको गतिमा उड्दा हामीलाई पत्तै हुँदैन, तर जब विमान तल आएर रोकिन्छ, हामीलाई झट्का लाग्छ । यात्राको क्रममा शरिरको तल्लो भाग उस्तै रहन्छ तर माथिल्लो भागमा जोडेले धक्का लाग्छ ।
