एजेन्सी । वास्तु शास्त्रमा यस्ता धेरै उपायहरू बताइएको छ जसको माध्यमबाट मानिसले धेरै प्रकारका दोषबाट मुक्ति पाउन सक्छ ।
वास्तु शास्त्र वास्तवमा हाम्रो जीवनलाई सजिलो बनाउने प्रणाली हो । वास्तु शास्त्रमा घरमा प्रयोग हुने यस्ता धेरै कुराको उपाय बताईएको छ, जसलाई प्रयोग गर्नाले नकारात्मकताका साथसाथै घरको धेरै समस्याहरु पनि हट्छन् । यी मध्ये एक हो फिटकिरी, जसको प्रयोगले मानिसलाई धेरै फाइदा हुन्छ ।
नकारात्मकतालाई यसरी हटाउँछ
यदि तपाईको घरमा नकारात्मकता फैलिएको छ भने घरको कुनै कुनामा फिटकिरी राख्नुहोस् । यसो गर्नाले केही समयमै नकारात्मकताबाट मुक्ति मिल्छ । साथै, यदि तपाईंको घरको वास्तु राम्रो छैन भने रातो कपडामा फिटकरी बाँधेर भान्सामा राख्नुहोस् । यसो गर्नाले वास्तु दोष हट्छ । यसका साथै जीवनका धेरै समस्याबाट पनि मुक्ति मिल्छ ।
श्रीमान्–श्रीमतीबीच मनमुटाव हुनेछैन
यदि बिना कारण श्रीमान्–श्रीमतीको सम्बन्धमा दरार आउँछ वा मनमुटाव जारी रहन्छ भने फिटकिरीको यो उपाय प्रयोग गर्न सक्नुहुन्छ । आफ्नो सुत्ने कोठाको झ्याल नजिकै एउटा कचौरामा फिटकिरी राख्नुहोस् । यसो गर्नाले पति–पत्नीको सम्बन्ध मधुर बन्न जान्छ ।
आर्थिक संकट हट्नेछ
यदि कसैलाई आर्थिक नोक्सान भइरहेको छ भने, उसले आफ्नो पर्समा फिटकरीको सानो टुक्रा राख्नुपर्छ । यसो गर्नाले कम पैसा खर्च हुन्छ र घरमा समृद्धि आउँछ ।
स्वास्थ्यमा लाभ मिल्नेछ
यदि कसैको स्वास्थ्य लगातार बिग्रन्छ भने बिरामीको टाउकोमा फिटकिरीलाई उल्टो दिशामा सात पटक घुमाएर बाहिर फालिदिनुहोस् । यसो गर्नाले स्वास्थ्यमा सुधार देखिन्छ । यसका साथै सिरानीमुनि फिटकिरीको टुक्रा राखेर सुत्दा दुःस्वप्नबाट बचाउँछ ।
