एजेन्सी । बलिउडकी बेबो अर्थात् करिना कपुरले २१ सेप्टेम्बरमा आफ्नो ४३ औँ जन्मदिन मनाइन् । यस पटक उनको जन्मदिन विशेष थियो किनभने उनले ओटीटी मा डेब्यू गसरन्। उनको जन्मदिनको दिन उनको फिल्म ‘जाने जाना’ नेटफ्लिक्समा रिलिज भएको थियो ।
करिना कपुर आफ्नो फेशन सेन्स र लग्जरी लाइफस्टाइलका कारण सधैं चर्चामा रहन्छिन् । आलिया भट्ट र भूमि पेडनेकर पनि उनको स्टाइलको तारिफ गर्छिन् ।
करिना हरेक वर्ष छुट्टी मनाउन जान्छिन् । जुन २०२२ मा करीना सैफसँग माल्दिभ्स गइन् । करिना यहाँ ‘सोनेभा फुशी’ नामक भिलामा बसेकी थिइन् । यस फाइभ स्टार भिल्लामा एक रात बिताउन करिनाले करिब १८ लाख भारतीय रुपैयाँ खर्च गर्नुपरेको थियो ।
यस बाहेक करिनाले युरोपमा पनि बिदा मनाउँछिन् । यसै वर्ष जुलाईमा करिना श्रीमान् र छोराछोरीसँग इटाली गएकी थिइन् । करीनाले आफ्ना विदेशी साथीहरूसँग खाजा खाँदै गरेको तस्विर पनि सेयर गरेकी छन् । करिनाले यहाँ एक दिन बस्न दुई लाख रुपैयाँ खर्च गरेकी थिइन् ।
उनीसँग हर्मेस बिर्किनको दुईवटा ब्याग रहेको छ । जसको मूल्य १३ करोड रुपैयाँ रहेको छ । यस्तै उनीसँग शनेलको ब्याग समेत रहेको छ जसको मूल्य ६ लाख रुपैया पर्न जान्छ । कोरोनाकालमा करिनाले लुइस भिटनको माक्स लाएकी थिइन् । जसको मूल्य २६ हजार रहेको थियो ।
करीनासँग १८ क्यारेटको बुलगारी सर्पेटी रोज सुनको घडी छ । यो घडी चम्किलो हिराले बनेको छ र यसको मूल्य २७ लाख रुपैयाँ छ । करिनासँग ७५ लाख मूल्यको ५ क्यारेटको प्लैटिनम रिंग पनि छ । सैफले यो औंठी करिनालाई आफ्नो इन्गेजमेन्टको अवसरमा उपहार दिएका थिए ।
हाल करीना पुमा, लक्स, ल्याक्मे, हेड एण्ड शोल्डर्स, कोलगेट जस्ता धेरै ठूला ब्रान्डहरूमा देखिन्छिन् । उनले ब्राण्ड प्रमोशनका लागि ५ देखि ६ करोड रुपैयाँसम्म लिन्छिन् । उनले एउटा फिल्मका लागि ८ देखि १० करोड भारु लिन्छिन् ।
