एजेन्सी । बलिउड अभिनेत्री कंगना रनावत आफ्नो अभिनयबाट फ्यानको मनमा विशेष स्थान बनाएकी छिन् । ग्याङ्स्टर फिल्मबाट डेब्यु गरेकी नायिकाले क्वीन, तनु वेड्स मनु फ्रेन्चाइज, मणिकर्णिकाः द क्वीन अफ झाँसीजस्ता उत्कृष्ट फिल्मबाट हिन्दी सिनेमामा राम्रो छाप छोडेकी छिन् ।
अभिनयका अलावा अभिनेत्री प्रायः आफ्नो बयानका कारण पनि चर्चामा आउने गर्छिन् । कयौं पटक उनको भनाइलाई लिएर विवाद सुरु हुन्छ ।
धेरैको विश्वास छ कि उनले यो सबै गर्नुको उद्देश्य राजनीतिमा प्रवेश गर्ने हो । तर, कंगना यो कुरामा सहमत छैनन् । यतिबेला नायिका आफ्नो फिल्म चन्द्रमुखी २ को प्रचारप्रसार गरिरहेकी छिन् । हालै मिडियासँग कुरा गर्दै उनले यो प्रश्नको खुलेर जवाफ दिएकी हुन् ।
कंगनाले भनिन्, ‘म सामान्यतया सचेत र जिम्मेवार व्यक्ति हुँ । धेरैले भन्छन् म राजनीतिमा आउन केही बोल्छु वा गर्छु । यो सत्य होइन । म कट्टर देशभक्त हुँ । यसको कुनै भित्री मनसाय छैन । म अहिले मेरो जीवनमा खुसी छु । यहाँसम्म पुग्न निकै मेहनत गरेको छु । मलाई थाहा छैन म आफ्नो करियर नयाँ सुरु गर्न चाहन्छु कि चाहँदिन ।’
