एजेन्सी । बलिउड अभिनेता शाहिद कपुरले हालसालै आफ्नो प्रारम्भिक संघर्ष र आफ्नो करियरको क्रममा फिल्महरूमा भूमिका कसरी पाएको खुलासा गरेका छन् ।
यस क्रममा शाहिदले ‘जब वी मेट’ का निर्मातालाई चश्मा लगाउन अनुमति दिन कसरी राजी गरे भन्ने रोचक किस्सा पनि सुनाए । फिल्ममा शाहिदले आदित्य कश्यपको भूमिका निभाएका थिए, जो करिना कपूरले निभाएको ‘गीत’ भन्दा फरक शान्त स्वभावका लागि परिचित थिए ।
हालै एक अन्तर्वार्तामा शाहिदले भनेका थिए, ‘मैले सबैसँग लडें । मैले भने कि म यस फिल्मको पात्रका लागि चश्मा लगाउन चाहन्छु र सबैले भने, के तिमी पागल हौ ? के नायकले चश्मा लगाउँछ ? गीत कसरी गाउने ?’
शाहिदले फिल्मको सुरुमा आदित्यको पात्रले आत्महत्या गर्ने सोच बनाएको र रेलबाट हामफाल्ने सोच बनाएको कुरा निर्माताहरूलाई स्पष्ट पार्नुपर्ने बताए । उनले गीत गाउन आवश्यक पर्दा चस्मा फुकाल्ने आश्वासन दिए ।
अभिनेताले थपे, ‘मलाई लाग्यो कि यसले कम्तिमा मानिसहरूले मलाई फरक दृष्टिकोणबाट हेर्न मद्दत गर्नेछ । अन्यथा म आफूले गरेको हरेक फिल्ममा उस्तै देखिन्थें र त्यसपछि मैले धेरै शारीरिक परिवर्तनहरू गर्न थालें किनभने यसले मलाई थप निर्णयहरू लिन सक्षम बनायो । यो मेरो पहिलो पूर्ण रूपान्तरण थियो जसरी मानिसहरूले मलाई हेर्ने बानी परेको थियो ।’
‘जब वी मेट’ २६ अक्टोबर २००७ मा रिलिज भएको थियो । १५ करोडको बजेटमा बनेको यो फिल्मले ५० करोडभन्दा बढी कमाएको थियो । केही महिनाअघि फिल्मलाई पुनः रिलिज गरिएको थियो । दर्शकले राम्रो प्रतिक्रिया दिएका थिए । अहिले यो फिल्मको सिक्वेलको खबर आएको छ ।
