एजेन्सी । ४ वर्षको लामो ब्रेकपछि फिल्म ‘पठान’सँग शाहरुख खानको कमब्याकले बक्स अफिसमा एकपछि अर्को इतिहास रचिरहेको छ । पहिले ‘पठान’ र अब ‘जवान’, दुवै फिल्मले बक्स अफिसमा धमाकेदार कमाइ गरेका छन् ।
पठान बक्स अफिसमा हिन्दी सिनेमाको अल टाइम ब्लकबस्टर बनेको छ भने हालै रिलिज भएको ‘जवान’ले पनि बक्स अफिसमा कमाईका सबै रेकर्ड तोड्दै आएको छ ।
भारतीय बक्स अफिसमा हालसम्म कुल ४४२.७३ करोड कमाएको जवानले विश्वव्यापी रुपमा ७०० करोडभन्दा बढीको व्यापार गरेको छ । शाहरुख खान, नयनथारा र विजय सेतुपति अभिनित एट्ली निर्देशित जवान फिल्म बक्स अफिसमा ब्लकबस्टरको रुपमा उभिएको छ ।
पठान र जवानको सफलतापछि शाहरुख एक वर्षमा १ हजार करोड कमाउने पहिलो बलिउड अभिनेता बनेका छन् । सन् २०२३ मा पठान र जवान जस्ता एकपछि अर्को दुई ठूला ब्लकबस्टर फिल्म दिने शाहरुख बलिउडको बादशाह बनेका छन् । एक वर्षमा शाहरुखले आफ्ना दुई फिल्मबाट १ हजार करोडभन्दा बढी कलेक्सन गरेका हुन् । पठानले जम्मा ५४३.४३ करोड र मात्र २ दिनमा २०० करोडको आँकडा पार गरेको जवानले दोस्रो सातापछि ४७९.९९ करोड कमाउन सफल रह्यो ।
२०२३ मा केवल दुई फिल्म रिलीजले शाहरुख १०२३ करोड को कुल कलेक्शनसम्गै बक्स अफिस राजा बने । शाहरुखलाई अन्य कलाकारसँग तुलना गर्ने हो भने, जहाँ अक्षय कुमारले २०१९ मा चारवटा रिलिजका साथ बक्स अफिसमा कूल ७५७.१३० करोड कमाई गरेका थिए । अब शाहरुखले अक्षयको कीर्तिमान तोडेर सबैभन्दा धेरै कमाउने अभिनेताको रेकर्ड राखेका छन् ।
