एजेन्सी । अस्ट्रेलियाविरुद्धको एकदिवसीय सिरिजका लागि सोमबार साँझ भारतीय टोलीको घोषणा गरिएको छ । कप्तान रोहित शर्मा र मुख्य चयनकर्ता अजित आगरकरले पत्रकार सम्मेलन गरी टोली घोषणा गरेका हुन् ।
केएल राहुलले पहिलो २ ओडिआईमा कप्तानी गर्नेछन् । विश्वकप टोलीका पाँच खेलाडी रोहित शर्मा, विराट कोहली, हार्दिक पाण्ड्या, कुलदीप यादव र अक्षर पटेललाई विश्राम दिइएको छ ।
चोटका कारण अक्षरले पहिलो २ ओडिआई खेल्न पाउने छैनन् । उनको स्थानमा रविचन्द्रन आश्विन र वासिङ्टन सुन्दरलाई टोलीमा स्थान दिइएको छ । तेस्रो एकदिवसीयमा सबै सिनियर खेलाडी फर्कनेछन् ।
विश्वकपअघि अस्ट्रेलिया र भारतबीच ३ खेलको एकदिवसीय शृंखला हुनेछ । सिरिजको पहिलो खेल सेप्टेम्बर २२ मा मोहालीको पीसीए रंगशालामा हुनेछ ।
रोहित, कोहली, हार्दिक, कुलदीप र अक्षर तेस्रो एकदिवसीयमा पुनरागमन गर्नेछन् । यो खेलमा अश्विन र सुन्दरले पनि स्थान पाएका छन् ।
