एजेन्सी । फिफाले प्रदान गर्ने फिफा ‘बेस्ट अवार्ड’का लागि विभिन्न विधामा मनोनयन सार्वजनिक भएको छ ।
फिफाले गएराति सार्वजनिक गरेको मनोनयन अनुसार ट्रेबल विजेता म्यानचेष्टर सिटीबाट ६ खेलाडी परेका छन् भने विश्व विजेता अर्जेन्टिनी कप्तान लियोनल मेसी पनि अवार्डको मनोनयनमा परेका छन् । तर, पोर्चुगिज स्टार क्रिस्टियानो रोनाल्डो भने मनोनयनमा परेनन् ।
पुरुषतर्फ १२ खेलाडीको मनोनयन सार्वजनिक भएको छ । जसमा मेसीसहित पिएसजीका केलिएन एमबाप्पे र सिटीका एर्लिङ हालान्ड मुख्य छन् ।
यसबाहेक सिटीका युलियन अल्भारेज, रोड्री, बर्नार्डो सिल्भा, केभिन डी ब्रुएना छन् । साथै, यसै सिजन बार्सिलोना पुगेका ईल्काए गुन्डोवान पनि मनोनयनमा अटाएका छन् ।
यस्तै आर्सनलका डिक्लेन राईस, नापोलीका भिक्टोर ओसिमहेन र केभिचा केभारात्खेलिया तथा अल नासरका मार्सेलो ब्रोजोभिच पनि मनोनयनमा परेका छन् ।
