एजेन्सी । फ्यानहरू लामो समयदेखि प्रभास स्टारर फिल्म ‘सालार: द सिजफायर’ को प्रतिक्षामा थिए । यसअघि यो फिल्म २८ सेप्टेम्बरमा रिलिज हुने तय भएपनि अहिले स्थगित गरिएको छ ।
बुधबार फिल्मका निर्माताले सामाजिक सञ्जालमा एक विज्ञप्ति जारी गर्दै रिलिज ढिलो हुनुको कारण पनि बताए । तर, हालसम्म नयाँ रिलिज मितिको बारेमा निर्माताहरूबाट कुनै नयाँ अपडेट आएको छैन ।
चलचित्र निर्माण कम्पनी होम्बल फिल्म्सले आधिकारिक विज्ञप्ति जारी गरेको छ । उसले लेखेको छ, ‘सालारलाई यति धेरै माया र समर्थन दिनु भएकोमा धन्यवाद । विभिन्न कारणले सेप्टेम्बर २८ मा फिल्म रिलिज गर्दैनौं । हामीले यो निर्णय सावधानीपूर्वक लिएका छौं, किनकि हामी तपाईंलाई सिनेमाको विशेष अनुभव दिन चाहन्छौं ।’
यसैबीच, प्रभासका फ्यानका लागि हालै अर्को खुसीको खबर आएको छ । साउथ फिल्ममेकर विष्णु मान्चुले प्रभास आफ्नो फिल्म कनप्पाको हिस्सा बन्ने पक्का गरेका छन् । विष्णु मञ्चुले यो घोषणा गरेपछि यो फिल्ममा प्रभासले भगवान शिवको भूमिका निर्वाह गर्ने बताइएको छ ।
तर, अहिलेसम्म प्रभासको क्यारेक्टरको बारेमा निर्माताले कुनै अपडेट दिएको छैन । यस फिल्ममा प्रभासका अलावा कृति सेननकी बहिनी नुपुर सेनन पनि मुख्य भूमिकामा देखिनेछिन् ।
सालार बाहेक प्रभास चाँडै ‘कल्की २८९८’ मा देखिनेछन् । यस फिल्ममा प्रभासका अलावा दीपिका पादुकोण, अमिताभ बच्चन र कमल हसन मुख्य भूमिकामा देखिनेछन् । फिल्म अर्को वर्ष जनवरी १२ मा रिलिज हुनेछ ।
