काठमाडौं । वाङमय शताब्दी पुरूष डा.सत्यमोहन जोशी अस्पताल भर्ना हुनुभएको छ ।
उहाँको शरीरमा अक्सिजन कमी भएपछि सोमबार उहाँलाई किस्ट मेडिकल कलेजमा भर्ना गरिएको हो ।
आजदेखि उहाँको स्वास्थ्यमा सुधार आएको कलेजका प्रिन्सिपल प्रा.डा. बालमानसिंह कार्कीले जानकारी दिनुभयो ।
शताब्दी पुरूष डा. जोशीका प्रिय पात्र तथा जोशीको सेवामा अहोरात्र खटिएकी देवकी श्रेष्ठका अनुसार डा.जोशीले एक हप्ता अस्पतालमा बस्नु पर्ने भएको छ ।
शताब्दी पुरूष डा.जोशीले आजै भर्चुअलको माध्यमबाट नइ प्रकाशनका अध्यक्ष इन्दिरा प्रसाई लगायत नइका पदाधिकारीसँग आफ्नो स्वास्थ्यमा सुधार आइरहेको बेहोरा अवगत गराउनुएको नई प्रकाशनका सदस्यसचिव नरेन्द्रराज प्रसाईले जानकारी दिनुभयो ।
डा.जोशी र उहाँकी धर्मपत्नी राधादेवी जोशीले किस्ट मेडिकल कलेजका विद्यार्थीको अध्ययन र शोधका लागि आआफ्नो शरीर मरणोपरान्त समर्पण गर्नुभएको छ ।
डा.जोशी गत वैशाख ३० गतेदेखि १०२ वर्षमा हिंड्दै हुनुहुन्छ ।
