एजेन्सी । पाकिस्तानी अभिनेत्री नौशीन शाहले हालै बलिउड अभिनेत्री कंगना रनावतको बारेमा कुरा गरेकी छिन् । उनले कंगनालाई कट्टरपन्थी भनेका छन् ।
पाकिस्तानी अभिनेत्रीले आफूले अहिलेसम्म कुनै पनि भारतीय अभिनेतासँग भेट नभएको तर कंगनालाई एकपटक भेट्न र दुई पटक थप्पड हान्न चाहेको बताएकी छन् ।
अन्तर्वार्ताको भिडियोमा थप्पड भन्ने शब्दलाई म्युट गरिएको भएतापनि नौसिनको इशारा प्रष्टै बुझिएको छ ।
वास्तवमा, नौशीन हालै पाकिस्तानी युट्युब च्याट शो ‘हद कर दी विथ मोमिन साकिब’मा अतिथिको रूपमा देखा परिन् । यस क्रममा उनले भारतीय र पाकिस्तानी कलाकारले एकअर्कालाई सम्मान गर्नुपर्ने बताइन् ।
कंगनाले जहिले पनि सामाजिक सञ्जालमा विश्व र राष्ट्रिय राजनीतिमा आफ्नो राय दिने गर्छिन् । फिल्म फ्रन्टमा, उनी चाँडै नै अर्को हप्ता रिलिज हुने ‘चन्द्रमुखी २’ मा देखिनेछिन् । यसबाहेक अभिनेत्री चाँडै इमर्जेन्सी र तेजसमा पनि देखिनेछिन् ।
