एजेन्सी । शाहरुख खान अभिनित फिल्म ‘जवान’ बिहीबारदेखि विश्वव्यापी रिलिज भएको छ । फिल्मले समीक्षकहरुबाट राम्रो प्रतिक्रियाहरु पाइरहेको छ ।
यसैबीच, फिल्मले ओपनिङ डेमा ६५ करोड ५० लाखको कमाई गर्दै रेकर्ड राख्न सफल भएको छ । बलिउड ट्रेड एनालिस्ट तथा फिल्म समीक्षक तराण आदर्शका अनुसार फिल्मले भारतमा मात्रै ६५.५० करोडको ओपनिङ गरेको हो ।
यसअघि शाहरुखकै ‘पठान’ले ५५ करोडको ओपनिङ गरेको थियो । त्यसैगरी ‘केजीएफ २’ (हिन्दी)ले ५३.९५, ‘वार’ले ५१.६० र ‘ठग्स अफ हिन्दुस्तान’ले ५०.७५ करोडको ओपनिङ गरेको थियो ।
