काठमाडौं । एसिया कप क्रिकेटअन्तर्गत भारतविरुद्ध ब्याटिङ गरिरहेको नेपालले १५० रन पूरा गरेको छ ।
नेपालले ३४ ओभरमा ६ विकेट गुमाएर १५१ रन जोडेको छ । अहिले क्रिजमा सोमपाल कामी र दीपेन्द्रसिंह ऐरी रहेका छन् । सोमपाल ३ र ऐरी ८ रनमा खेल्दैछन् ।
नेपालका कुशल मल्ल २, रोहित पौडेल ५, भीम सार्की ७ , कुशल भुर्तेल ३८, आसिफ शेख ५८ र गुल्शन झा २३ रनमा आउट भए । भारतका रवीन्द्र जडेजाले ३, सिराजले २ र सार्दुल ठाकुरले एक विकेट लिएका छन् ।
