काठमाडौँ । एसिया कप क्रिकेट प्रतियोगितामा नेपालले टस हारेको छ ।
श्रीलंकाको कान्डीमा रहेको पालेकेले इन्टरनेशनल क्रिकेट स्टेडियम भएको टस जितेर भारतका कप्तान रोहित शर्माले पहिले फिल्डिङ रोजेको हो । यससँगै नेपालले ब्याटिङ गर्ने भएको छ ।
दुवै टीमले टोलीमा एक–एक परिवर्तन गरेका छन् । नेपालले आरिफ शेखको स्थानमा भीम सार्कीलाई र भारतले जसप्रित बुमराहको स्थानमा मोहम्मद सामीलाई खेलाउने छ ।
यो नेपालको भारतको सिनियर टोलीसँगको पहिलो ऐतिहासिक खेल हो । भारत छिमेकी राष्ट्र भए तापनि उसँग खेल्न नेपालले आफ्नो अन्तर्राष्ट्रिय क्रिकेट इतिहासमा २७ वर्ष कुनुपर्यो । सन् १९९६ बाट अन्तर्राष्ट्रिय क्रिकेट खेल्न सुरु गरेको नेपालले पहिलोपटक भारतसँग खेल्ने मौका पाएको हो । नेपाल र भारत पहिलोपटक सिनियर टोलीमा आमने–सामने हुन लागेका हुन् ।
नेपालको प्लेइङ ११ :
आसिफ शेख (विकेटकिपर),कुशल भुर्तेल, रोहित पौडेल (कप्तान), भीम सार्की, दीपेन्द्रसिंह ऐरी, कुशल मल्ल, गुलशन झा, सोमपाल कामी, करण केसी, सन्दीप लामिछाने र ललितनारायण राजवंशी ।
भारतको प्लेइङ ११ :
रोहित शर्मा (कप्तान), शुभमन गिल, विराट कोहली, श्रेयस ऐर, हार्दिक पान्ड्या, ईशान किशन, रविन्द्र जडेजा, शार्दुल ठाकुर, मोहम्मद शामी, मोहम्मद शिराज र कुलदीप यादव ।
