काठमाडौं । राष्ट्रिय प्रजातन्त्र पार्टी (राप्रपा) ले भदौ २७ गते काठमाडौंमा वृहत् विरोध सभा गर्ने भएको छ ।
पार्टी अध्यक्ष राजेन्द्र लिङ्देनको अध्यक्षतामा आज पार्टीको केन्द्रीय पदाधिकारीको बैठकले वृहत् विरोध सभा गर्ने निर्णय गरेको हो ।
प्रवक्ता एवं प्रचार विभाग प्रमुखमोहन श्रेष्ठका अनुसार हिन्दुत्वको रक्षा एवं हिन्दुराष्ट्र र राजसंस्थाको पुन:स्थापना, संघीयताको खारेजीको मा गर्दै वृहत् विरोध सभा गर्ने तयारी गरिएको हो ।
उहाँका अनुसार विभिन्न भ्रष्टाचारमा संलग्न उच्च राजनैतिक नेतृत्वलाई छानविनको दायरामा ल्याउन, सुन तस्करी लगायतका भ्रष्टाचारका काण्डमा संलग्नको पूर्ण छानबिन गर्न, शिथिल अर्थतन्त्रले निम्त्याउन लागेको आर्थिक संकटमा सरकारको उदासिनता, बढ्दो बेरोज़गारी, मूल्यवृद्धि जस्ता विषयमा गम्भीर बन्नका लागि सरकारलाई दबाब सिर्जना गर्न राप्रपाले र्याली सहित सभा गर्ने निर्णय गरेको हो ।
