काठमाडौँ । नेपाल समाजवादी पार्टीका अध्यक्ष डा बाबुराम भट्टराईले नेकपा (माओवादी केन्द्र) ले जनतालाई भ्रम छर्ने उद्देश्यले ‘जनतासँग माओवादी अभियान’ सुरु गरेको टिप्पणी गर्नुभएको छ ।
माओवादी केन्द्रले हिजो शनिबारदेखि देशभर ‘जनतासँग माओवादी अभियान’ सुरु गरेपछि सोमबार बिहानै सामाजिक सञ्जालमा स्टाटस राख्दै डा भट्टराईले विचार–आदर्श–मूल्यमान्यता–नैतिकताबाट पूरै स्खलन भई भ्रष्टाचार र अनियमततामा अनगिन्ती कीर्तिमान खडा गरेर राजनीतिक दलहरू गोहीका आँसु र फोस्रा गफ सहित फेरि जनतामाझ भ्रम छर्न हिँडेको बताउनुभएको छ ।
“सयवटा मुसा खाएर बिरालो तीर्थयात्रामा हिंडेथ्यो रे !”, उहाँले लेख्नुभएको छ, “केही पुराना दल र नेता राज्यसत्ताको चरम दोहनरभागबण्डा, कमिसनखोरी, शक्तिकेन्द्रहरूको दलाली, आसेपासेहरूको घिनलाग्दो जालो निर्माण, विचार–आदर्श–मूल्यमान्यता–नैतिकताबाट पूरै स्खलन, तडकभडक र विलासिता लगायतका दुष्कर्मका अनगिन्ती कीर्तिमान खडा गरेर अहिले फेरि गोहीका आँसु र फोस्रा गफसहित जनतामा भ्रम छर्न हिँड्नु उस्तै उस्तै भएन र ?”
सयवटा मुसा खाएर बिरालो तीर्थयात्रामा हिंडेथ्यो रे! केही पुराना दल र नेता राज्यसत्ताको चरम दोहन/भागबण्डा,कमिसनखोरी,शक्तिकेन्द्रहरूको दलाली,आसेपासेहरूको घिनलाग्दो जालो निर्माण,विचार-आदर्श-मूल्यमान्यता-नैतिकताबाट पूरै स्खलन, तडकभडक र विलासिता लगायतका दुष्कर्मका अनगिन्ति कीर्तिमान…
— Baburam Bhattarai (@brb1954) September 3, 2023
