काठमाडौँ । एसिया कप क्रिकेट २०२३ अन्तर्गत भारत र पाकिस्तानबीचको खेल वर्षाका कारण रद्ध भएको छ ।
शनिबार श्रीलंकाको क्यान्डीमा निरन्तरको वर्षाले दोस्रो ईनिङ्स सुरु हुन नसकेपछि खेल रद्ध भएको हो । दुवै टोलीले १–१ अंक बाँडेका छन् ।
टस जितेर पहिले ब्याटिङ गरेको भारत ४८ दशमलब ५ ओभरमा २ सय ६६ रनमा अलआउट भएको थियो । तर, वर्षा बाधक बनेपछि पाकिस्तानले ब्याटिङ गर्न पाएन ।
पाकिस्तान समूह ए बाट ३ अंकसहित सुपर फोरमा पुगेको छ । पाकिस्तानले पहिलो खेलमा नेपाललाई हराएको थियो ।
सोमबार नेपाल र भारतबीच प्रतिस्पर्धा हुनेछ । उक्त खेलको विजेता टोली सुपर फोरमा पुग्नेछन् ।
