काठमाडौं। विपिन कार्की स्टारर फिल्म ‘पशुपति प्रसाद २: भष्मे डन’ को पहिलो गीत सार्वजनिक भएको छ ।
बिहीबार जनैपूर्णिमाको अवसर पारेर चलचित्रले ‘दुई चुल्ठी बाटन’ बोलको गीत यूट्युवमा सार्वजनिक गरेको हो ।
विपिन कार्की, आँचल शर्मा र निश्चल खड्काको नृत्य रहेको गीतमा मेलिना राई र निशान भट्टराईको स्वर दिएका छन् । आँचल र निश्चललाई सिनेमाको यही गीतमा मात्रै विशेष भुमिकामा देख्न सकिने निर्माण टिमले जनाएको छ । बि पाण्डेको शब्द रचना तथा सुवास भुषालको संगीत रहेको उक्त गीतको कोरियोग्राफी प्रविन सिंहको रहेको छ ।
आगामी दशैंमा प्रदर्शनको तयारीमा रहेको सिनेमा दीपेन्द्र के खनालले निर्देशन गरेका हुन् । फिल्मको निर्माता समेत रहेका खगेन्द्र लामिछानेको लेखन रहेको सिनेमामा विपिन कार्की, सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगरको अभिनय रहेको छ ।
टुकी आर्टसको ब्यानरमा निर्माण भएको चलचित्रमा निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहेको छ ।
