काठमाडौँ । एसिया कप क्रिकेटमा नेपालविरुद्धको खेलमा पाकिस्तानका इफ्तिखार अहमदले शतक प्रहार गरेका छन् । उनले ६७ बल खेल्दै शतक हानेका हुन् । यस क्रममा अहमदले चार छक्का र १० चौका प्रहार गरे ।
बत्तीस वर्षीय अहमदको १५औँ एकदिवसीय खेलमा पहिलो शतक हो । उनले एकदिवसीय खेलमा एक अर्धशतकसमेत प्रहार गरेका छन् ।
पाकिस्तानका लागि चार वटा मात्र टेष्ट प्रतियोगिता खेलेका अहमदले पाकिस्तानका लागि हालसम्म ४९ टी–२० प्रतियोगिता खेलेका छन् । यस क्रममा उनले चार अर्धशतक प्रहार गरेका छन् ।
