काठमाडौं । सुन तस्करी प्रकरणमा मुछिएका माओवादी केन्द्रका वरिष्ठ उपाध्यक्ष कृष्णबहादुर महराका छोरा राहुल महरा सीआईबीसमक्ष हाजिर भएका छन् ।
इलेक्ट्रिक चुरोट (भेप) मा सुन तस्करी गरेको आरोप लागेका राहुलले सीआईबीसमक्ष उपस्थित भएको बताएका छन् । राहुलले फेसबुकमा लेखेका छन् ,‘कथित ठूलो भनिएको मिडियाले ग्वेवल्स शैलीमा मिडिया ट्रायल गरी हामीमाथि पहिलो छ्याप्ने कोसिस भएकाले स्वयम् सीआईबीमा उपस्थित भई अनुसन्धानमा सहजीकरण गर्दैछु । नबिराउनु, नडराउनु’।
अहिले राहुल सीआईबीको नियन्त्रणमा रहेको प्रहरीका केन्द्रीय प्रवक्ता कुवेर कठायतले बताए ।
सीआईबीले सुन प्रकरणमा हालसम्म २५ जनाभन्दा बढीलाई पक्राउ गरिसकेको छ ।
