काठमाडौँ । ललिता निवास जग्गा प्रकरणमा मुद्दा परेकाहरुमा आजबाट बयान सुरु हुँदैछ ।
आइतबार जिल्ला सरकारी वकिल कार्यालयले कीर्तेसम्बन्धी मुद्दामा २८९ जनालाई प्रतिवादी बनाएर जिल्ला अदालत काठमाडौँमा मुद्दा दायर गरेको थियो । जसमध्ये भाटभटेनी सुपर मार्केटका सञ्चालक मीनबहादुर गुरुङसहित १८ जना थुनामा छन् । उनीहरुको आजबाट बयान सुरु हुने बताईएको छ ।
थुनामा भएकाहरूको बयान सकिएपछि थुनछेक बहस सुरु हुने बताईएको छ ।
१८ जना बाहेकका प्रतिवादीलाई फरार सूचीमा छन् भने मृत्यु भएका २१ जनासहित ५२ जनाबाट वकिल कार्यालयले जग्गा जफत गर्न मागदाबी गरेको छ । उनीहरुमाथि किर्तेको अभियोग भने छैन, तर किर्ते कामबाट जोडिएको जग्गा किनेकाले त्यो जग्गा जफत गर्ने प्रयोजनका लागि प्रतिवादी बनाइएको छ ।
बालुवाटारस्थित ललिता निवासको १४३ रोपनी ६ आना ३ पैसा ३ दाम सरकारी जग्गा हिनामिना भएको सिआईबीको अनुसन्धान निष्कर्ष छ । पूर्व उप–प्रधानमन्त्री विजयकुमार गच्छदारसहित ४ जना पूर्वमन्त्री, सञ्चारसचिव कृष्णबहादुर राउत र गृह मन्त्रालयका सह–सचिव सुशील वैद्यविरुद्ध पनि प्रतिवादी कायम गर् िमुद्दा दर्ता गरिएको छ ।
