काठमाडौँ । राष्ट्रिय प्रजातन्त्र पार्टी (राप्रपा) ले पनि एउटा संसदीय समितिको सभापति पाउने भएको छ ।
सत्ता गठबन्धनले राप्रपालाई एउटा संसदीय सुनुवाइ समितिको सभापति दिने सहमति गरेको सांसद बुद्धिमान तामाङले जनाए । ‘हामीलाई संसदीय सुनुवाइ विशेष समिति दिने भन्ने कुरा आएको छ । त्यो पाएको खण्डमा पशुपति शमशेर राणाज्यूले नेतृत्व गर्नुहुन्छ’, उनले भने ।
यसअघि सत्ता गठबन्धन र प्रमुख प्रतिपक्ष एमालेबीच भागबण्डा हुँदा उक्त समिति कांग्रेसको भागमा परेको थियो । भागबन्डामा नेपाली कांग्रेसले चार, नेकपा (माओवादी केन्द्र)ले दुई, नेकपा (एमाले) तीन, नेकपा (एकीकृत समाजवादी) एक, जनमत पार्टीले एक सिट पाउने भनिएको थियो । अब कांग्रेसले एउटा छोड्ने भएपछि कांग्रेस तीन र राप्रपाले एक सिट पाउने भएको छ ।
