काठमाडौँ । स्वर्गीय अभिनेता सारुक ताम्राकारका बुवा सानु ताम्राकारको निधन भएको छ । कलाकार तथा जादूगर रहेका ताम्राकारको शनिबार नर्भिक अस्पतालमा उपचाकार क्रममा निधन भएको हो ।
छोराको निधनपछि उनको स्वास्थ्यमा समस्या देखिएको थियो । किड्नीमा समस्या देखिएपछि उनलाई २८ दिनसम्म नर्भिकमा उपचारका लागि भर्ना गरिएको थियो । उनको दिउँसो ३ः३० बजे निधन भएको अस्पताल स्रोतले जनाएको छ ।
७५ वर्षिया ताम्राकार मिर्गौलो समस्याबाट पीडित थिए । ताम्राकारले दर्जनौँ नेपाली फिल्ममा अभिनय गरेका थिए ।
उनको निधनबाट ताम्राकार परिवार थप शोकमा परेको छ । केही महिना अघि उनका छोरा तथा अभिनेता सारुक ताम्राकारले आत्महत्या गरेका थिए ।
उनको भोलि पशुपति आर्यघाटमा अन्त्येष्टि गरिने बताइएको छ ।
