एजेन्सी । सनी देओल अभिनित बलिउड फिल्म ‘गदर–२’ ले बिहीबार ८ करोड ४० लाख रुपैयाँ संकलन गरेको छ । फिल्मको कुल कलेक्सन ४१९.१० करोड पुगेको छ । फिल्म रिलिज भएको दुई साता बितिसकेको छ । तापनि गदर–२ दोस्रो हप्तामा सबैभन्दा धेरै कमाउने फिल्म बन्यो ।
फिल्मले दोस्रो हप्तामा १३४.४७ करोड कमाएको थियो । दोस्रो हप्तामा सबैभन्दा धेरै कलेक्सनको कीर्तिमान बाहुबली–२ को हिन्दी संस्करण (१४३.२५ करोड) को नाममा छ । गदर–२ ले अब ‘केजीएफ २’ को रेकर्डमा नजर राखिरहेको छ । केजीएफ–२ को कीर्तिमान तोडेर गदर–२ तेस्रो सर्वाधिक कमाउने हिन्दी फिल्म बन्नेछ ।
अर्कोतर्फ अक्षय कुमार अभिनित फिल्म ‘ओएमजी २’ को कमाईमा भने कमी आएको छ । यद्यपि, फिल्मले अहिलेसम्म १२६.४२ करोड कमाएको छ ।
गदर–२ ले दोस्रो साता पनि कमाईको कीर्तिमान बनाएको छ । फिल्मले दोस्रो हप्तामा १३४.४७ करोड कमाएको थियो । यसपछि बाहुबली–२ मात्रै थियो जसले १४३.२५ करोड रुपैयाँ कलेक्सन गरेको थियो । यस सूचीमा द कश्मीर फाइल्स, पीके र दंगल जस्ता फिल्महरू पनि समावेश छन् ।
गदर-२ ले विगतमा आमिर खानको फिल्म दंगल (३८७.३८ करोड) को लाइफटाइम कलेक्सनलाई उछिनेको थियो । अब केजीएफ २ को हिन्दी संस्करणको रेकर्ड तोड्ने गदर २ को लक्ष्य छ । केजीएफ २ ले ४३४.७० करोड रुपैयाँको लाइफटाइम कलेक्शन गरेको थियो ।
अनिल शर्माको निर्देशन रहेको यो फिल्म २००१ को गदरको सिक्वेल हो । फिल्ममा सनी देवलसँगै अमिशा पटेल, उत्कर्ष शर्मा, मनिष वधवा, गौरव चोपरा लगायतको भूमिका रहेको छ ।
