काठमाण्डौ । जापानमा उच्च शिक्षा हासिल गरि फर्केका नेपाली विद्यार्थीहरुको संस्था जापान युनिभर्सिटी एलुम्नाई एशोसियसन नेपाल ‘जुआन’ को बुधबार सम्पन्न निर्वाचनबाट सुनिल बाबु श्रेष्ठको अध्यक्षतामा आगामी दुईवर्षका लागि १३ सदस्यीय नयाँ कार्यकारीणी समिति चयन गरेको छ ।
नयाँ कार्यसमितिको उपाध्यक्षमा डा.होमनाथ चालिसे, महासचिवमा प्रमोद पौडेल, सचिवमा मनसा थापा ठकुराठी, कोषाध्यक्षमा निर्मला देवी भट्ट चयन भएका छन । यसैगरि कार्यसमितिका अन्य सदस्यहरुमा मधुसुदन गौतम, प्रताप छत्कुली, सहज श्रेष्ठ, विद्या पोखरेल, रशिला देशार, सन्तोष अर्याल र डा. केशव श्रेष्ठ छन् ।
नवनिर्वाचित कार्यकारी समितिका पदाधिकारीहरुलाई निर्वाचन अधिकृत डा.रोहित पोखरेलले प्रमाणपत्र र एक/एक वटा इण्डोर प्लाण्ट वितरण गरे ।
संस्थाका संस्थापक अध्यक्ष हरेन्द्र विकास बरुवाको उपस्थितिमा भएको कार्यक्रममा संस्थाका निवर्तमान अध्यक्ष डा.प्रविण श्रेष्ठले नवनिर्वाचित पदाधिकारीहरुलाई कार्यकालको सफलताको शुभकामना दिनुको साथैै आफ्नो कार्यकाल सफल पार्न सहयोग गर्ने निर्वतमान कार्यसमितिका पदाधिकारीहरुलाई धन्यवाद दिए ।
नवनिर्वाचित अध्यक्ष सुनिल बाबु श्रेष्ठले सबैको साथ र सहयोगबाट अघि बढ्ने र संस्थालाई नयाँ उचाँईमा पुर्याउने प्रतिवद्धता व्यक्त गरे भने संस्थाका पुर्व अध्यक्ष मनोज गिरीले धन्यवाद ज्ञापन गरेका थिए ।
