काठमाडौँ । काठमाडौँ महानगरपालिकाले डेंगी रोग फैलन नदिन ‘वायो लार्भिसिद’ छर्कदैछ । लाम्खुट्टेको लार्भा नस्ट गर्ने जैविक औषधि ‘लार्भिसिद’ नेपालमै पहिलो पल्ट प्रयोग गर्न लागिएको काठमाडौँका मेयर बालेन शाहले जानकारी दिए ।
यसको प्रयोगले लामखुट्टे र त्यसका लार्भाबाहेक कसैलाई हानी नपुर्याउने मेयर शाहले बताए । ‘यो विषादि होइन । औषधिलाई पानीको माथिलो भागमा छर्कनु पर्दछ । यसले लार्भाको पेटमा विष उत्पन्न गर्छ । यसबाट उसको पाचन प्रक्रिया नष्ट हुन्छ । यसबाट पूर्ण विकसित हुन नपाउँदै लार्भा मर्छ’, उनले भने ।
यो औषधिले डेंगीसहित, फिलारिया, औलो (मलेरिया), चिकन्नीयाजस्ता रोग फैलाउने सबै प्रजातिका लामखुट्टेका लार्भा र प्युपा नष्ट हुने बताईएको छ ।
महानगरले डेङ्गी रोगको बारेमा परामर्श दिन नि:शुल्क हटलाइन टेलिफोन ११८० बाट २४ सै घण्टा सञ्चालनमा ल्याएको छ । महानगरल अस्पताल जानु परे १०२ नम्बर सम्पर्क गरेर नि:शुल्क एम्बुलेन्स प्रयोग गर्न सक्ने व्यवस्था मिलाएको छ भने स्वास्थ्य प्रवर्धन केन्द्रहरुमा डेंगी रोगको उपचारका लागि चाहिने सिटामोल, जीवन जल लगायत आवश्यक औषधिको वितरणको व्यवस्था मिलाएको छ ।
