विराटनगर । कोशी प्रदेशका मुख्यमन्त्री उद्धव थापाले आजै विश्वासको मत लिने भएका छन् । सत्ता गठबन्धन दलको बैठकमा थापाले आजै विश्वासको मत लिने निर्णय भएको माओवादी केन्द्र संसदीय दलका नेता ईन्द्रबहादुर आङ्बोले जनाए ।
थापाले संविधानको धारा १८८ अनुसार विश्वासको मत लिन लागेका हुन् । यसअघि थापाले उपसभामुख सृजना दनुवारको अनुपस्थिती रहने भएपछि आज विश्वासको मत लिने सम्भावना कम रहेको बताएका थिए ।
कांग्रेस सांसद ईस्राईल मन्सुरीले प्रदेशसभा बैठक सञ्चालन गर्ने भएका छन् । उपसभामुख दनुवारले बैठकको आफ्नो अनुपस्थिति रहने भएपछि मन्सुरीलाई अध्यक्षता गर्न पत्र लेखेकी थिईन् ।
