एजेन्सी । फिफा महिला विश्वकप २०२३ को फाइनल खेल जारी छ । स्टेडियम अष्ट्रेलियामा जारी खेलको पहिलो हाफ सकिँदा स्पेनले अग्रता बनाएको छ ।
खेलको २९ औं मिनेटमा ओलगा कार्मोनाले गोल गर्दै स्पेनलाई अग्रता दिलाएकी हुन् । दुबै टिमले पहिलो पटक महिला विश्वकपको फाइनल खेल्दैछन् । आजको विजेतासँगै महिला विश्वकपले नयाँ विजेता टिम पाउनेछ ।
सेमिफाइनलमा स्पेनले स्वीडेनलाई तथा इंग्ल्याण्डले अष्ट्रेलियालाई हराउँदै फाइनलमा स्थान बनाएका हुन् ।
सन् १९९१ देखि सुरु भएको महिला विश्वकपमा अमेरिका सर्वाधिक सफल टोली हो । उसले ४ पटक उपाधि जितेको छ । यस्तै, जर्मनीले २ पटक उपाधि जित्दा नर्वे र जापानले एक–एक पटक उपाधि जितेका छन् ।
