एजेन्सी । अर्जेन्टिनी स्टार लियोनल मेसी सर्वाधिक ट्रफि जित्ने फुटबलर बनेका छन् ।
आइतबार अमेरिकी सकर क्लब इन्टर मियामीलाई लिग्स कपको उपाधि जिताएका मेसीले ब्राजिलियन स्टार ड्यानी आल्भेसलाई पछि पार्दै यो उपलब्धि हासिल गरेका हुन् ।
आल्भेसले ४३ ट्रफि जितेका थिए भने आजको उपाधिसँगै मेसीले ट्रफिको संख्या ४४ बनाएका छन् ।
३६ वर्षीय मेसीले बार्सिलोनाबाट ३५, अर्जेन्टिनाबाट ५, पिएसजीबाट ३ र इन्टर मियामीबाट १ गरी समग्रमा ४४ उपाधि जितेका छन् । मेसी लिग्स कपमा सर्वाधिक गोलकर्ता समेत बने भने लिगको उत्कृष्ट खेलाडी समेत बने ।
