काठमाडौं । खेमलाल हरिकला लामिछाने प्रतिष्ठानले पद्मश्री साहित्य पुरस्कार २०७९ का लागि दोस्रो चरणमा उत्कृष्ट ५ पुस्तकहरुको विस्तारित सूची सार्वजनिक गरेको छ ।
अघिल्लो वर्ष प्रकाशित मध्ये प्रतिष्ठानमा प्राप्त १८० पुस्तकहरुमध्ये निर्णायक समितिले गरेको सिफारिस अनुसार पहिलो चरणको उत्कृष्ट १५ पुस्तकहरुमध्ये पाँच पुस्तकलाई उत्कृष्ट संक्षिप्त सूची (सर्ट लिस्ट) निर्णायक मण्डलको सिफारिस बमोजिम सार्वजनिक गरेरिएको प्रतिष्ठानले जनाएको छ ।
विस्तारित पुस्तकको सूची यसप्रकार रहेका छन्ः
पुस्तक लेखक
१. इजोरियाः सुबिन भट्टराई
२. ऐँठनः विवेक ओझा
३. मनुः डा. देवीप्रसाद सुवेदी
४. मफलरः प्रदीप रोदन
५. शून्यको मूल्यः डा. नवराज केसी
प्रतिष्ठानका अध्यक्ष जीवा लामिछानेले विज्ञप्ति जारी गर्दै दोस्रो चरणमा उत्कृष्ट संक्षिप्त सूची चयन गरिएपछि अन्तिम चरणमा पुरस्कृत पुस्तक घोषणा हुने जानकारी दिएका छन् ।
प्रतिष्ठानले २०६३ सालदेखि नेपाली साहित्यमा वर्षभरि प्रकाशित पुस्तकहरु मध्येबाट उत्कृष्ट पुस्तकलाई पद्मश्री साहित्य पुरस्कार प्रदान गर्दै आएको छ । पुरस्कार कोजाग्रत पूर्णिमाको दिन वितरण हुने गर्दछ ।
