नयाँदिल्ली । भारतीय प्रधानमन्त्री नरेन्द्र मोदीले मंगलबार लाल किल्लाबाट १० औं पटक राष्ट्रका नाममा सम्बोधन गरेका छन् । ७७औँ स्वतन्त्रता दिवसका अवसरमा प्रधानमन्त्रीले लाल किल्लाबाट झण्डा फहराएर ९० मिनेट राष्ट्रका नाममा सम्बोधन गरेका हुन् ।
यसअघि २०२२ को स्वतन्त्रता दिवसमा उनले ८३ मिनेट भाषण गरेका थिए । सन् २०१४ मा पहिलो पटक प्रधानमन्त्री चुनिएका उनले ६५ मिनेट देशका नाममा सम्बोधन गरेका थिए ।
सन् २०१५ मा प्रधानमन्त्री नरेन्द्र मोदीले ८६ मिनेटको भाषण गरेर पहिलो प्रधानमन्त्री जवाहरलाल नेहरूको कीर्तिमान तोडेका थिए । नेहरूले १९४७ मा लाल किल्लाबाट ७२ मिनेट लामो भाषण गरेका थिए ।
प्रधानमन्त्री मोदीले अहिलेसम्म लाल किल्लाबाट देशका नाममा १० पटक सम्बोधन गरिसकेका छन् । उनले एक घन्टाभन्दा कम समय राष्ट्रका नाममा एकपटक मात्रै सम्बोधन गरेका थिए । २०१७ को स्वतन्त्रता दिवसमा प्रधानमन्त्रीको भाषण मात्र ५६ मिनेट लामो थियो । यो उनको सबैभन्दा छोटो भाषण हो ।
मोदीले गरेका भाषणहरुको समय–
२०१४– ६५ मिनेट, २०१५ – ८६ मिनेट, २०१६ – ९६ मिनेट, २०१७ – ५६ मिनेट, २०१८ – ८२ मिनेट, २०१९ – ९३ मिनेट, २०२० – ८६ मिनेट, २०२१ – ८८ मिनेट, २०२२ – ८३ मिनेट, २०२३ – ९० मिनेट । यो सबै भाषणहरु उनले लालकिल्लाबाट स्वतन्त्रता दिवसको अवसरमा गरेको सम्बोधन हो ।
यो पनि पढ्नुस् – लाल किल्लाबाट प्रधानमन्त्री मोदीले भने– अर्को पटक फेरि तिरंगा फहराउनेछु
