एजेन्सी । रोहित शेट्टीको सुपरहिट फ्रेन्चाइजी ‘सिंघम’को तेस्रो पार्ट ‘सिंघम अगेन’मा अभिनेत्री दीपिका पादुकोण महत्वपूर्ण भूमिकामा देखिने भएकी छन् ।
उनी रोहित शेट्टीको कप युनिभर्समा पहिलो महिला प्रहरीको भूमिकामा देखिनेछिन् ।
दीपिकाले यो एक्सन प्याक फिल्मको तयारी पनि सुरु गरिसकेकी छिन् । फिल्ममा अजय देवगनको बहिनी हुने लेडी सिंघमको भूमिकामा दीपिकाको भूमिका रहने बलिउड हंगामाले जनाएको छ ।
सिंघम अगेनमा दीपिकाको चरित्र निकै ठूलो रहने र उनले आफ्नो भूमिकाका लागि ३५ देखि ४० दिनसम्म सुटिङ गर्ने बताइएको छ ।
सिंघम अगेनमा टाइगर श्राफ पनि क्यामियो गर्दै देखिनेछन् । सिंघम अगेनको सुटिङ सेप्टेम्बरमा सुरु हुनेछ र अगस्ट २०२४ मा फिल्म रिलिजमा आउनेछ ।
