• १० असार २०८१, सोमबार
  •      Mon Jun 24 2024
  •   Unicode
Logo
Latest
★   ऊर्जामन्त्री बस्नेत समक्ष विद्युत् नियमन आयोगका अध्यक्षको शपथ ★   निर्मला पन्तको हत्याबारे गृहमन्त्री: नतिजाउन्मुख छौँ ★   प्रधानमन्त्रीसँग चिनियाँ उपविदेशमन्त्रीको शिष्टाचार भेट ★   काठमाडौँ महानगरपालिकाको बजेट २५ अर्ब ७० करोड ★   अपाङ्गताले छेकेन पार्वतीको उद्यमी बन्ने रहर ★   अयोध्यामा राम मन्दिर बनाउन नेपालबाट लगिएको शालिग्राम नेपालले फिर्ता पाउनुपर्छ: वामदेव गौतम ★   भारत र अष्ट्रेलियाको खेलअघि सेन्ट लुसियामा भीषण वर्षा ★   नेपालको अलैंचीलाई विश्व बजारमा निर्यात गर्न कुटनीतिक पहल गर्नुपर्छ: सभामुख घिमिरे ★   नेपाली अलैंची विश्व बजारमा निर्यात गर्न सरकारले पहल गरिरहेको छ: कृषिमन्त्री साह ★   ‘मुन्ज्या’ले १०० करोड कमायो

पाकिस्तानको संसद विघटन, अन्तरिम प्रधानमन्त्री छान्न ३ दिनको समय



Pakistan’s outgoing Prime Minister Shehbaz Sharif addresses parliament in Islamabad on Aug. 9, before the legislature and his cabinet were dissolved.

एजेन्सी । पाकिस्तानका राष्ट्रपति अरिफ अल्वीले संसद विघटनको घोषणा गरेका छन् ।

राष्ट्रपति अल्वीले निवर्तमान प्रधानमन्त्री शहबाज सरिफको सल्लाहमा वर्तमान सरकारको कार्यकालको अन्त्य गर्दै बुधबार मध्यरातबाट लागू हुनेगरी संसद विघटन गरेका हुन् ।

यसैबीच, कार्यवाहक प्रधानमन्त्रीको नाम टुंगो लगाउन प्रधानमन्त्री शहबाज शरिफ र राष्ट्रियसभाका विपक्षी नेतासँग तीन दिनको समय दिइएको छ । ३ दिनभित्र नाममा सहमति हुन नसकेमा अन्तरिम प्रधानमन्त्रीका लागि नाम टुंगो लगाउने जिम्मा सभामुखलाई हुने पाकिस्तानी समाचारदाताले बताएको छ ।

तोकिएको अवधिभित्र निर्णय गर्न नसकेमा उम्मेदवारहरूको नाम पाकिस्तानको निर्वाचन आयोगमा पठाइन्छ । अन्तिम टुंगो भने आयोगले नै गर्नेछ । संसद् विघटनको ९० दिनसम्म अन्तरिम सरकारले चुनावी प्रशासन सम्हाल्नेछन् ।

संसद्मा बोल्दै शरिफले इमरान खान नेतृत्वको सरकारको १६ महिने कार्यकाल लापरबाही र असफलता रहेको बताएका थिए । उनले अघिल्लो सरकारले अन्तर्राष्ट्रिय मुद्रा कोषसँगको सम्झौता भङ्ग गरेर देशको प्रतिष्ठामै असर पुर्‍याएको आरोप लगाए । अन्तरिम सरकार गठनका विषयमा भने उनले विपक्षी दलका नेता राजा रियाजसँग छलफल गर्ने जनाएका छन् ।

भ्रष्टाचार अभियोगमा जेलमा रहेका पूर्वप्रधानमन्त्री इमरान खानलाई निर्वाचन आयोगले पाँच वर्षका लागि राजनीतिमा प्रतिबन्ध लगाएको भोलिपल्टै प्रधानमन्त्री शरिफले संसद् विघटनको कदम चालेका थिए ।

गत अप्रिलमा सरकारमाथि अविश्वासको प्रस्ताव पारित भएपछि इमरान खान नेतृत्वको सरकार ढलेको थियो ।