काठमाडौं: अस्ट्रेलिया र न्यूजील्यान्डको सहआयोजनामा जारी महिला विश्वकप फुटबल अन्तर्गत आज भएका खेलमा फ्रान्स र कोलम्बिया विजयी हुँदै क्वाटरफाइनलमा प्रवेश गरेका छन् ।
फ्रान्सले मोरक्कोलाई ४–० गोल अन्तरले सहजै पराजित गरेको थियो । फ्रान्सका लागि १५औं मिनेटमा काडीडियाटाउ डियानीले पहिलो गोल गरेकी थिइन् । त्यसपछि २० औं मिनेटमा केन्जा डालीले फेरि अर्को गोल गरिन् ।
त्यसपछि दुई गोल युजिन सोमरले २३ र ७० औं मिनेटमा गरेकी थिइन् ।
अर्को खेलमा कोलम्बियाले जमैकालाई १–० गोल अन्तरले पराजित गरेको थियो । कोलम्बियाका लागि एक मात्र गोल काटालिना उस्मेले ५१औं मिनेटमा गरेकी थिइन् ।
आजको खेलसँगै क्वाटरफाइनलका खेलहरुको समीकरण पूरा भएको छ ।
अब आउँदो शुक्रबार र शनिबार क्वाटरफाइनलका खेलहरु हुनेछन् । पहिलो खेल स्पेन र नेदरल्यान्ड्स, दोस्रो खेल जापान र स्वीडेन, तेस्रो खेल अस्ट्रेलिया र फ्रान्स तथा चौथो खेल इङल्यान्ड र कोलम्बिया बीच हुनेछ । एजेन्सी
