• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   विद्यार्थी भिसामा अस्ट्रेलियाको थप कडाइ ★   राष्ट्रपति पौडेल र स्वीट्जरल्यान्डका समकक्षीबीच भेटवार्ता ★   बुर्तिवाङ स्वास्थ्य केन्द्र ५० शय्याको अस्पतालमा स्तरोन्नति हुँदै ★   खेलले जाेडेकाे नेपाली मन ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’ ★   काठमाडौं महानगरपालिका गर्यो सिंहदरबारभित्रबाट चार बालश्रमिकको उद्धार

ग्लोबल टि-२० क्यानडा: सन्दीप सम्मिलित सर्रे फाइनलमा



काठमाडौं । स्पिनर सन्दीप लामिछाने सम्मिलित सर्रे जागुअर्स ग्लोबल टि-२० क्यानडा २०२३ को फाइनलमा पुगेको छ । पहिलो क्वालिफायरमा भ्यानकुभेर नाइट्सलाई ३८ रनले हराउँदै सर्रेले फाइनलमा स्थान बनाएको हो ।

जितको लागि १ सय ४० रनको मध्यम लक्ष्य पछ्याएको नाइट्स १६.४ ओभरमा १ सय १ रन बनाउदै अल आउट भयो ।

नाइट्सका लागि फबिएन एलेनले सर्वाधिक २७ रन बनाए । यस्तै, मोहम्मद रिजवान ४ र नाजिबउल्लाह जद्रान १५ रनमा आउट भए ।

बलिङ तर्फ सर्रेका तीव्र गतिका बलर म्याथ्यु फोर्डले सर्वाधिक ४ विकेट लिँदा सन्दीपले १ विकेट लिए ।

त्यसअघि टस हारेर पहिला ब्याटिङको निम्तो पाएको सर्रेले निर्धारित २० ओभरमा ९ विकेटको क्षतीमा १ सय ३९ रन बनाएको थियो । सर्रेका लागि कप्तान इफ्तिखर अहमदले सर्वाधिक ३६ रन बनाएका थिए । मोहम्मद हरिस २०, जतिन्दर सिंह १५, लिटन दास १६ र आयन खानले २९ रन बनाए ।

नाइट्सका लागि जुनैद सिद्दिकले सर्वाधिक ४ विकेट लिए । रुबेन ट्रम्पलम्यान र कार्तिक मयाप्पनले समान एक विकेट लिए ।

यता, दोस्रो क्वालिफायरमा दीपेन्द्रसिंह ऐरी सम्मिलित मोन्टरिएल टाइगर्स र नाइट्सबीच आज राती प्रतिस्पर्धा हुनेछ । उक्त खेलको विजेताले आइतबार उपाधिको लागि सर्रेसँग खेल्नेछ ।