काठमाडौं । नेकपा माओवादी केन्द्रका केन्द्रीय सदस्यसहित तीनजना नेता नेकपा एमालेमा प्रवेश गरेका छन् ।
काठमाडौँको प्रज्ञा प्रतिष्ठानमा माओवादी केन्द्रको केन्द्रीय समिति बैठक जारी रहँदा केन्द्रीय सदस्यसहित तीनजना एमालेमा प्रवेश गरेका हुन् ।
माओवादी केन्द्रीय सदस्य वीरेन्द्र यादव, मधेश प्रदेश संगठन कमिटी सचिव सल्ला उदिन र प्रदेश सदस्य कृष्णमोहन यादवलाई अध्यक्ष ओलीलगायतका नेताहरुले पार्टी मुख्यालय च्यासलमा एक कार्यक्रमबीच स्वागत गरेका हुन् ।
