काठमाडौँ । काठमाडौं महानगरपालिकाले आज धुम्बाराहीस्थित राष्ट्रिय प्रजातन्त्र पार्टी (राप्रपा)को केन्द्रीय कार्यालय भत्काउने भएको छ ।
महानगरले भवन खाली गराउन दिएको समयसकिँदा पनि भवन खाली नगराइएको हुँदा सोमबार भत्काउन लागिएको महानगर प्रहरी बलका प्रहरी उपरीक्षक दिनेश अर्यालले जानकारी दिए । ‘आज सबैलाई उक्त स्थानमा १० बजे भेला हुन बोलाइएको छ । सम्भवत: आज भत्काइन्छ होला’, उनले भने ।
महानगरले शुक्रबार माइकिङ गर्दै राप्रपाको केन्द्रीय कार्यालय खाली गराउन तीन दिनको समय दिएको थियो । कार्यालय नक्सा पास नगरी बनाएको र भवन विद्युत् प्राधिकरणको हाइटेन्सन लाइनमुनि रहेकाले भत्काउन लागिएको बताईएको छ ।
