एजेन्सी । फिफा महिला विश्वकप २०२३ अन्तर्गत स्विडेनले अन्तिम १६ को यात्रा तय गरेको छ । शनिबार दिउँसो सम्पन्न खेलमा उसले समूह ‘जी’ को खेलमा इटालीलाई सजिलै ५–० ले पराजित गर्यो ।
यो जितपछि स्विडेनको दुई खेलबाट ६ अंक भएको छ । र समूहको शीर्ष स्थानमा पुगेको छ । उसको पछाडि इटाली ३ अंकसहित दोस्रोमा छ । दक्षिण अफ्रिका र अर्जेन्टिना एकरएक अंकमा छन् ।
स्विडेनका लागि अमन्डा इल्सेटेल्डले दुई गोल गरिन् । उनले ३९ र ५० औं मिनेटमा गोल गरेकी थिइन् । यस्तै रोल्फो, ब्लाकटेनिस र ब्लोमक्विस्टले एक–एक गोल गरे ।
