काठमाडौं । झरना थापाद्वारा निर्देशित नेपाली चलचित्र ‘एक भगवत गीता’ को टीजर सार्वजनिक गरिएको छ ।
शुक्रवार सार्वजनिक गरिएको फिल्मको टीजरमा मुख्य कलाकारहरु विपिन कार्की, सुहाना थापा, कबीर खड्का तथा धिरज मगरलाई चित्रण गरिएको छ ।
फिल्ममा अभिनेता विपिन कार्कीले नारी चरित्र कमलामाईको भूमिका निर्वाह गरेका छन् । जसलाई भयानक रुपमा उतारिएको छ ।
सुनिल कुमार थापाद्वारा निर्माण गरिएको यो फिल्ममा राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर रहेको छ ।
यो फिल्म आगामी भदौ २९ गतेदेखि प्रदर्शनमा आउने छ ।
